Kiçik və Orta Biznesin İnkişafı Agentliyinin (KOBİA) nümayəndələri Masallı Sənaye Məhəlləsində fəaliyyət göstərən dərziçilik və xalçaçılıq müəssisəsində olublar. Bu haqda məlumatı Cenublu.az bu gün, 4 iyun tarixində verir.
"Birlik 3-A" MMC-yə məxsus müəssisə sahibkarlıq fəaliyyəti ilə yanaşı, əlilliyi olan şəxslərə, şəhid və qazi ailələrinin üzvlərinə müvafiq sahə üzrə peşə bilikləri öyrədir. İndiyədək müəssisə tərəfindən dərziçilik üzrə 19 tələbəyə, xalçaçılıq üzrə isə 23 tələbəyə sertifikat verilib.
