Bu gün, 29 aprel tarixində Ali Diplomatiya Kollecinin professoru, yazıçı, Azərbaycanın Əməkdar jurnalisti Vasif Səmədov 74 yaşında dünyasını dəyişib.
Vasif Səmədov 22 yanvar 1950-ci ildə Masallı rayonunun Ərkivan qəsəbəsində anadan olub. O, “Kamil sənətkar”, “Qızıl qələm”, “Zərdabi” və “Araz” mükafatlarının laureatı olub.
V.Səmədov Amerika Biblioqrafiya İnstitutunun Direktorlar Şurasının tərtib etdiyi “Dünyanın 1000 nüfuzlü şəxsi” adlı biblioqrafik sorğu kitabında jurnalistika üzrə Azərbaycanı təmsil edib.
O, Azərbaycan Respublikası Prezidentinin Protokol xidmətinin rəisi Arif Səmədovun atasıdır.
