Xəzərin Lənkəran akvatoriyası sintetik torlardan təmizlənib. Bu haqda bu gün, 5 aprel tarixində Cenublu.az Ekologiya və Təbii Sərvətlər Nazirliyinə istinadən xəbər verir.
"Hövzələri sintetik torlardan birlikdə təmizləyək" aksiyası çərçivəsində torların yığışdırılması davam edir. Aksiya çərçivəsində Xəzər dənizinin Lənkəran şəhəri akvatoriyasından sintetik torların yığışdırılması həyata keçirilib.
Ölkə ərazisində keçirilən aksiya zamanı Dövlət Ekoloji Təhlükəsizlik Xidmətinin əməkdaşları tərəfindən sözügedən su hövzələrindən 1635 metr uzunluğunda 45 ədəd sintetik tor götürülüb.
Vətəndaşlarımızı "Hövzələri sintetik torlardan birlikdə təmizləyək" aksiyasında daha fəal iştirak etməyə, su hövzələrində rast gəldikləri sintetik torlar barədə nazirliyin rəsmi sosial şəbəkə hesablarına və Telegram qrupuna dəqiq koordinatları göstərməklə məlumat verməyə və balıq ehtiyatlarının mühafizəsinə dəstək olmağa çağırırıq.
