Mövsümdən asılı olmayaraq, sakinlərin istirahət etmək üçün daim üz tutduqları Heydər Əliyev Parkında oturacaq sayı azdır. Bununla bağlı bu gün, 13 iyul tarixində Cenublu.az-a sakinlər müraciət ediblər.
Sakinlər bildirir ki, parka kəndlərdən də gələnlərin sayı çox olduğundan, orada sıxlıq olur. Buna görə də parkda olan oturacaqların sayı bəs etmir.
“Parkda təqribən 13-14 oturacaq var. Ərazinin çox geniş olmasından və sakinlərin bura tez-tez gəlməsindən bu oturacaq sayı bəs etmir. Lənkəran sakinləri olaraq aidiyyəti qurumlardan xahiş edirik ki, oturacaqların sayını artırsınlar”, - deyə sakin bildirib.
