Azərbaycan Respublikası Xüsusi Dövlət Mühafizə Xidmətinin sabiq rəisi general-polkovnik Vaqif Axundovun nəvəsinin toyu olub. Bu haqda məlumatı Cenublu.az bu gün, 13 iyun tarixində Qaynarinfo-ya istinadən verir.
Bakıdakı restoranların birində keçirilən toy mərasimində Vaqif Axundov "Azərbaycan oğluyam” musiqisinin sədaları altında nəvəsi ilə birgə rəqs də edib.
Qeyd edək ki, Vaqif Axundov 1950-ci ildə Astarada anadan olub. O, 2003-2020-ci illərdə Azərbaycan Respublikası Xüsusi Dövlət Mühafizə Xidmətinin rəisi vəzifəsində çalışıb.
Azərbaycan SSR Ali Sovetinin Rəyasət Heyətinin Fəxri Fərmanı, "Azərbaycan Bayrağı" ordeni və bir çox medallarla təltif olunub.
2018-ci ildə Azərbaycan Respublikası Prezidentinin Sərəncamı ilə “Vətənə xidmətə görə” 1-ci dərəcəli ordeni ilə təltif edilib.
