Fövqəladə Hallar Nazirliyi (FHN) tərəfindən Lənkəran rayonunda komanda-qərargah təlimi keçirilib. Bu haqda məlumatı Cenublu.az bu gün, 24 iyun tarixində Report-a istinadən verir.
Üç mərhələdə keçirilən təlim “İrimiqyaslı fövqəladə hadisələr zamanı Fövqəladə Hallar Nazirliyinin Cənub Regional Mərkəzinin əhatə etdiyi ərazilərdə qəza-xilasetmə işlərinin təşkili, həyata keçirilməsi, qüvvə və vasitələrin idarə olunması” mövzusuna həsr olunub.
Komanda-qərargah təliminə FHN-in Cənub Regional Mərkəzinin əhatə etdiyi ərazidə yerləşən nazirliyin qurumlarının struktur bölmələrinin qüvvə və vasitələri cəlb edilib.
Buraya ümumilikdə 342 nəfər şəxsi heyət, 48 xüsusi texnika və avadanlıq, eləcə də iki qayıq cəlb olunub.
Təlimin keçirilməsində əsas məqsəd FHN xilasetmə bölmələrinin irimiqyaslı hadisələrə reaksiyası və burada qüvvələrin qruplaşdırılması, fəaliyyəti və əməliyyat qərargahlarının ayrı-ayrılıqda bütün səviyyədə fəaliyyətlərindən ibarət olub.
