Lənkəran şəhərinin Xəzər dənizi sahilində “Su hövzələrində insanların təhlükəsizliyinin təmin olunması” mövzusunda təlim baş tutub. Bu haqda məlumatı Cenublu.az bu gün, 16 may tarixində verir.
Təlim zamanı şərti olaraq baş vermiş suda boğulma hadisəsi vaxtı xilasedicilər “zərərçəkmişləri” xilas edərək ilkin yardım göstəriblər. Burada əsas məqsəd xilasedicilərin suda boğulma halları ilə bağlı xilasetmə əməliyyatlarının aparılması, habelə ilkin yardımın göstərilməsi üzrə praktiki vərdişlərinin daha da təkmilləşdirilməsidir.
Sonda əldə edilmiş nəticələr müzakirə olunub, aidiyyəti üzrə tapşırıqlar verilib.
Tədbir Fövqəladə Hallar Nazirliyinin Cənub Regional Mərkəzinin təşkilatçılığı ilə keçirilib.
