Fövqəladə Hallar Nazirliyi ölkə əhalisinin təhlükəsizliyinin təmin edilməsi, o cümlədən vətəndaşların fövqəladə hallarla bağlı davranış qaydaları barədə maarifləndirilməsi məqsədilə tədbirləri davam etdirir. Bu haqda məlumatı Cenublu.az bu gün, 8 may tarixində verir.
Bu çərçivədə nazirliyin regional mərkəzləri tərəfindən sel təhlükəli dağlıq və dağətəyi ərazilərdə yaşayan əhalinin, xüsusilə yaz-yay fəsilləri üçün xarakterik olan sel-daşqın təhlükəsindən qorunmağın yolları barədə maarifləndirilməsi məqsədilə silsilə tədbirlər keçirilir.
Belə ki, Cənub Regional Mərkəzi tərəfindən Lənkəran, Astara, Masallı, Lerik, Yardımlı və Cəlilabad rayonlarında maarifləndirmə tədbirləri baş tutub.
Yerli sakinlər, o cümlədən ictimai iaşə obyektlərinin əməkdaşları və turistlərlə keçirilən görüşlərdə sel və daşqın təhlükəsindən qorunmağın yolları, bu təhlükə ilə üzləşdikdə davranış qaydaları barədə ətraflı məlumatlar verilib, mövzuya dair məlumatlandırıcı çap materialları paylanılıb.
