Cəlilabadda ilaxır çərşənbədə evi yanan iki ailə yeni mənzildə yaşayacaq. Bu haqda bu gün, 31 mart tarixində Cenublu.az Report.az-a istinadən xəbər verir.
14 mart tarixində Teymurov Arif Ağalar oğlu və Teymurova Nazilə Böyükağa qızının ailə üzvləri ilə birlikdə yaşadığı ev yanmışdı. 28 May küçəsi, 98 ünvanında yerləşən evin yanar konstruksiyaları və əşyaları tamamilə külə çevrilib.
Hər iki ailə yaşadıqları evi sığorta etdirmədikləri üçün çıxılmaz vəziyyətdə qalıblar. Həmin sakinlərlə eyni küçədə yaşayan sahibkar Mirəzim İsayev Rayon İcra Hakimiyyətinə müraciət edib və ailəyə həmin həyətdə öz vəsaiti hesabına yeni fərdi yaşayış evinin tikilməsinə müvafiq köməklik göstərilməsini istəyib.
Qeyd edək ki, bir ay müddətində yeni fərdi yaşayış evi inşa edilərək ailəyə təhvil veriləcək.
