Yəqin ki, bir çoxumuz həyatlarında bir dəfə olsa da, təmir işləri ilə məşğul olmuşuq. Bunu keçənlər bu prosesin necə ağır və məşəqqətli olduğunu deyə bilərlər. Hətta bu mövzu ilə bağlı məşhur bir deyim də var: “Kiməsə bəd dua etmək istəsəniz, ona deyin ki, başı təmirə qarışsın”.
Təmirlə bağlı başı ağrıyanlardan biri də Əməkdar artistimiz, əslən Lənkərandan olan Rühəngiz Allahverdiyevadır. O, qonaq olduğu proqramların birində evini təmir edən ustaları polisə verəcəyini deyib:
“Yeni aldığım evimi təmir edib, pis günə qoyan ustalar müəyyən insanların qarşısında cavab verəcəklər. Hələ mənim başım qarışıqdır. Dəyən ziyanı bir-bir yazıb o ustaları şikayət edəcəyəm. Hamam otağı sökülüb yenidən təmir olunmalıdır. Qəpik-qəpik pul yığıram, evimin təmirinə yenidən başlayıram. Məcbur olub yenidən təmir etdirməliyəm”.
