Dini Qurumlarla İş üzrə Dövlət Komitəsinin sədri Mübariz Qurbanlı 8 iyun tarixində Lənkəran, Astara və Lerik rayonlarından olan vətəndaşları qəbul edib. Bu haqda məlumatı Cenublu.az verir.
Qəbula gələn vətəndaşlar dini təyinatlı ədəbiyyatın nəşri, İslam dininə aid ibadət yerlərinə və ziyarətgahlara din xadiminin təyin olunması, dini qurumların dövlət qeydiyyatına alınması, habelə digər məsələlərlə bağlı müraciətlər ediblər.
Dövlət Komitəsinin aidiyyəti struktur bölmə rəhbərinin iştirakı ilə keçirilmiş qəbulda vətəndaşların müraciətləri diqqətlə dinlənilib, ərizələri qəbul edilərək müvafiq tədbirlərin görülməsi ilə bağlı tapşırıqlar verilib.
