Lənkəranda dənizdə boğularaq ölən Vətən müharibəsi iştirakçısı, Cil kənd sakini, 24 yaşlı Fərid Yaqubzadə dəfn olunub. Bu haqda məlumatı Cenublu.az bu gün, 29 iyun tarixində Oxu.az-a istinadən verir.
Dəfndə kənd sakinləri, ictimaiyyət nümayəndələri, eləcə də qazinin döyüş yoldaşları iştirak ediblər. Fərid Yaqubzadə doğulduğu Cil kənd qəbiristanlığında torpağa tapşırılıb.
Qeyd edək ki, Fərid Yaqubzadə Cəbrayıl və Qubadlı rayonlarının işğaldan azad olunması uğrunda döyüşlərdə iştirak edib. Dövlət başçısının müvafiq sərəncamları ilə “Cəbrayılın azad olunmasına görə”, “Qubadlının azad olunmasına görə” və “Vətən müharibəsi iştirakçısı” medalları ilə təltif olunub. O, yenicə ailə həyatı qurmuşdu.
