Ölkə ərazisinin bəzi yerlərində yağıntılı və küləkli hava şəraiti müşahidə olunub.
Bu barədə Cenublu.az -a Milli Hidrometeorologiya Xidmətindən məlumat verilib.
Bildirilib ki, şimal-qərb küləyi əsir. Küləyin maksimal sürəti Yardımlıda 16 m/s-dək güclənib.
Düşən yağıntının miqdarı Astarada 6, Lənkəran və Lerikdə 4, Yardımlıda 3, Neftçalada 2, Sabirabad və Biləsuvarda isə 1 mm-dir.
Lerikdə duman müşahidə olunub. Dumanda görünüş məsafəsi 200-500 metrədək məhdudlaşıb.
Dağlıq rayonlarda 12 dərəcəyədək şaxta qeydə alınıb.
