Son günlər ölkəmizdə müşahidə olunan qeyri-sabit və yağmurlu hava şəraitindən sonra cənub zonasında olan lokal sürüşmə zonalarında aktivlik müşahidə olunur. Bu haqda məlumatı Cenublu.az bu gün, 10 may tarixində Oxu.az-a istinadən verir.
Milli Geoloji Kəşfiyyat Agentliyinin rəisi Əli Əliyev bildirib ki, yağışlardan sonra cənub zonasında – Lənkəran, Astara və Lerik rayonları ərazisində 12 lokal sahədə aktiv faza müşahidə olunur.
“Yaz aylarında intensiv atmosfer çöküntülərinin baş verməsi sürüşməyə meyilli sahələrdə bu prosesin aktivləşməsinə təsir göstərir. Baxmayaraq ki, həmin ərazilər üçün bu sürüşmələr geoloji mənada xarakterikdir. Böyükhəcmli proseslər hələ ki baş verməyib”, – deyə o bildirib.
