Lənkəran-Astara Regional Təhsil İdarəsi üzrə bir sıra təhsil müəssisələrində tikinti, əsaslı təmir və cari təmir işləri həyata keçirilir. Bu haqda məlumatı Cenublu.az bu gün, 5 iyul tarixində verir.
Belə ki, Astara rayonu üzrə 4, Cəlilabad rayonu üzrə 8, Lerik rayonu üzrə 8, Lənkəran rayonu üzrə 2, Masallı rayonu üzrə 2 və Yardımlı rayonu üzrə 1 olmaqla ümumilikdə 13 yeni modul tipli, 3 əsaslı təmir, 7 cari təmir və 2 yeni məktəb binasının tikinti işləri davam edir.
13 ədəd modul tipli məktəb Astara rayonunun Diqo kəndində, Cəlilabad rayonunun Vənlik kəndində, Cəlilabad rayonunun Söyüdlü kəndində, Cəlilabad rayonunun Sarxanlı kəndində, Cəlilabad rayonunun Moranlı kəndində, Cəlilabad rayonunun Əsədli kəndində, Cəlilabad rayonunun Həsənli kəndində, Lerik rayonunun Anburdərə kəndində, Lerik rayonunun Buruq kəndində, Lerik rayonunun Kəlvəz kəndində, Lerik rayonunun Osyodərə kəndində, Masallı rayonunun Sarıcəfərli kəndində, Yardımlı rayonunun Cerinbel kəndində inşa olunur.
Həmçinin Lənkəran şəhər M.Bağırov adına 1 nömrəli tam orta məktəbində, Lənkəran rayonu Mamusta kənd M.Fərzullayev adına tam orta məktəbində, Cəlilabad rayonu Sabirabad kənd 2 nömrəli tam orta məktəbində, Cəlilabad rayonu Sərhədabad kənd tam orta məktəbində, Masallı rayonu Qəzvinoba kənd ümumi orta məktəbində əsaslı təmir işləri aparılır.
Astara şəhəri Ş.Qasımov adına 4 nömrəli tam orta məktəbində, Astara rayonu Ərçivan qəsəbə N.Kərimov adına 3 saylı tam orta məktəbində, Astara rayonu Sipiyəpart kənd tam orta məktəbində, Lerik şəhər 3 nömrəli tam orta məktəbində, Lerik rayonu Vizəzəmin kənd tam orta məktəbində, Lerik rayonu Livədirqə kənd tam orta məktəbində və Lerik rayonu Nuravud kənd tam orta məktəbində isə cari təmir işləri aparılır.
