Milli Məclisin Mədəniyyət Komitəsinin AzEdu.az təhsil portalı ilə birgə keçirdiyi "İlin Gənc Müəllimi-2022" müsabiqəsinin qaliblərinin təltif olunma mərasimi keçirilib. Bu haqda bu gün, 17 aprel tarixində Cenublu.az Lənkəran-Astara Regional Təhsil İdarəsinə istinadən xəbər verir.
Lənkəran-Astara Regional Təhsil İdarəsinin tabeliyində olan ümumtəhsil müəssisələrində çalışan 3 müəllim müsabiqədə qalib olub:
- Şixəlizadə Leyla Ratiq qızı - Lənkəran rayon Jidi kənd ümumi orta məktəbin ibtidai sinif müəllimi;
- Kazımov Kamil Vaqif oğlu - Lerik rayon Vistən kənd tam orta məktəbin tarix və coğrafiya müəllimi;
- Əmrahova Samirə Adəm qızı - Cəlilabad rayonu Göytəpə şəhər 1 nömrəli tam orta məktəbin Azərbaycan dili və ədəbiyyat müəllimi.
Qeyd edək ki, beynəlxalq “Global Teacher” müsabiqəsinin şərt və meyarlarını əsas götürən “İlin gənc müəllimi” müsabiqəsi üç turla həyata keçirilib.
