Lənkəran-Astara Regional Təhsil idarəsinin tabeliyində fəaliyyət göstərən məktəblər üçün direktor vəzifəsinə işə qəbul üzrə imtahan keçirilib. Bu haqda bu gün, 16 iyul tarixində Cenublu.az təhsil idarəsinə istinadən xəbər verir.
İmtahanlar şagird sayı 151-500 nəfərədək olan ümumi təhsil müəssisələrinə qəbul üzrə keçirilib. İmtahanda Astara, Cəlilabad, Lənkəran, Lerik, Masallı və Yardımlı rayonları üzrə müsabiqənin sənəd qəbulu mərhələsində iştirak edən 124 namizəddən 113 nəfər iştirak edib.
Direktor vəzifəsinə namizədlər 80 dəqiqə ərzində tənqidi oxu bacarığı üzrə 15, riyazi və məntiqı düşünmə üzrə 15, təhsil qanunvericiliyi üzrə 15 sual olmaqla, ümumilikdə 45 test tapşırığı həll ediblər.
