Cənub bölgəsində yerləşən liseylərdə şagird qəbulu həyata keçiriləcək. Bu haqda məlumatı Cenublu.az bu gün, 15 may tarixində verir.
S.Kazımbəyov adına Lənkəran şəhər 6 nömrəli məktəb-liseyi və Masallı şəhər “Dəfinə” məktəb-liseyində ərizə qəbulu may ayının 20-dən iyunun 13-nə kimi davam edəcək.
Bunun üçün valideyn və ya qanuni nümayəndə şəxsi kabinetində “Sorğu yerləşdir” bölməsinə daxil olaraq “Mərkəzi imtahanla qəbul” düyməsini sıxmaqla imtahanın keçiriləcəyi mərkəzi seçməlidir.
Şagirdlər əvvəlcə mərkəzləşdirilmiş qəbul imtahanında iştirak etməlidirlər. Sonra isə topladıqları bala müvafiq olaraq təhsil almaq istədikləri liseylərin seçimini aparmalıdırlar. İmtahan zamanı şagirdlərə tədris dili və riyazi təfəkkürü ölçən standart və qeyri-standart suallar təqdim ediləcək.
