Cəlilabadın Eçara kənd sakinləri uzun müddətdir ki, qaz olmadığı üçün problem yaşayırlar. Bu haqda məlumatı Cenublu.az bu gün, 22 iyun tarixində verir.
Onların sözlərinə görə, rayonun çox hissəsi mavi qazla təmin olunub. Lakin Eçara və bir neçə digər kəndin məsələsi həll olunmur. Sakinlər qaz balonlarından istifadə etmək məcburiyyətində qalırlar. Onlar qışda evləri qızdırmaq üçün yanacaq kimi odundan istifadə edirlər. Bir maşın odunun qimyəti isə 800 manata yaxındır.
“Azəriqaz” İstehsalat Birliyindən Xezerxeber.az-a bildirdilər ki, regionların qazlaşdırılması prosesi növbəli şəkildə mütəmadi olaraq davam etdirilir:
“Socar Azəriqaz“ İB regionların qazlaşması prosesini davamlı olaraq həyata keçirir və bu proses birliyin öz resursları, imkanları hesabına icra olunur. Bu baxımdan bu işdə mərhələlik prinsipi qorunur. Cəlilabadın sözügedən kəndinin qazlaşması təbii ki, birliyin gündəmindədir və növbəti mərhələdə bu kəndin qazlaşması icra olunacaq”.
