Cəlilabadda yerləşən tarixi hamam baxımsızlıqdan bərbad vəziyyətə düşüb.
BakuTV xəbər verir ki, rayon sakinləri abidənin məhv olmaq təhlükəsi ilə üzləşdiyini bildirirlər.
Yerli əhəmiyyətli daşınmaz memarlıq abidələrinə aid olan bu tarixi incinin bir neçə ildən sonra 100 yaşı tamam olacaq. Amma tarixi keçmişi bu günə qədər yaşadan və qorunan tikililər siyahısına əlavə edilən abidə yararsız vəziyyətdədir.
Tarixçi Bilal Hüseynov qeyd edib ki, hamam qırmızı kərpicdən tikildiyi üçün suya dözümlü olsa da, uçub-dağılır:
"Hamam nəzarətə götürülməlidir ki, gələcək nəsillər üçün qorunub saxlanılsın".
