Cəlilabadda 1 iyun - Uşaqların Beynəlxalq Müdafiəsi Günü qeyd edilib. Bu haqda məlumatı Cenublu.az bu gün, 2 iyun tarixində verir.
Uşaqların Beynəlxalq Müdafiəsi Günü münasibətilə iyunun 1-də Cəlilabad şəhərindəki Heydər Əliyev Mərkəzində bayram şənliyi keçirilib.
Rayon rəhbərliyinin, təhsil işçilərinin, ictimaiyyət nümayəndələrinin, şəhid və qazi övladlarının iştirak etdiyi tədbirdə rayon icra hakimiyyəti başçısı Rafiq Cəlilov çıxış edərək, balacaları əlamətdar gün münasibətilə təbrik edib, gələcəyimiz olan uşaqlara göstərilən yüksək dövlət qayğısından danışıb.
Bayram tədbirində uşaqların iştirakı ilə hazırlanmış bayram konserti tədbir iştirakçıları tərəfindən maraqla izlənilib.
