Cəlilabadda təhlükəli vəziyyət yaranıb. Belə ki, Cəlilabad şəhəri, Mehdi Hüseynzadə küçəsində 36 mənzildən ibarət 4 mərtəbəli yaşayış binasını su ilə təmin edən və üzərində böyük su çəni olan estakadada qəzalı vəziyyət yaranıb.
Belə ki, estakadanın dayaqları əyilib, metal konstruksiyası isə korroziya və çatlar səbəbindən ciddi zədələnib. Su çəninin deşilməsi nəticəsində əraziyə fasiləsiz su axır və həyət daim gölməçələrlə örtülü vəziyyətdə qalır. Bu səbəbdən estakada gözlə görünəcək dərəcədə əyilərək təhlükəli hala düşüb.
“Estakadanın tam yaxınlığında 2 fərdi yaşayış evi və 1 çoxmənzilli yaşayış binası yerləşir. Qəzalı vəziyyətdə olan bu qurğu aşarsa, ya fərdi yaşayış evlərindən birinin, ya da çoxmənzilli binanın üzərinə düşə bilər”, – deyə sakinlər bildiriblər.
