Narkotiklərin qanunsuz satışı ilə məşğul olan şəxslərə qarşı bölgələrdə əməliyyatlar keçirilib. Bu haqda məlumatı Cenublu.az bu gün, 21 may tarixində Daxili İşlər Nazirliyinin (DİN) mətbuat xidmətinə istinadən verir.
Aparılan əməliyyatlar zamanı Cəlilabad, eləcə də Ağcabədi, Şəmkir və Yevlax rayonlarında narkotiklərin qanunsuz dövriyyəsini təşkil edən əvvəllər məhkum olunmuş Rüfət Əsədov, Fazil Əzizov və Tural Mahmudovdan ümumilikdə 30 kiloqram marixuana, Anar Abasov, Rəşad Məmmədov, tanışı Murad Əsgərov və Leyla Məmmədovadan isə 16 kiloqram kokain, heroin, tiryək, metamfetamin və güclü təsir edən maddə olan 52 ədəd ekstazi həbi aşkarlanıb.
Qanunsuz dövriyyədən 46 kiloqram narkotik vasitə çıxarılıb.
Faktlarla bağlı cinayət işləri başlanıb, saxlanılan şəxslər barəsində həbs qətimkan tədbirləri seçilib.
Araşdırma davam edir.
