Cəlilabadda şagirdlər üçün maarifləndirici tədbir təşkil olunub. Bu haqda bu gün, 7 aprel tarixində Cenublu.az DİN-ə istinadən xəbər verir.
Rayon Polis Şöbəsinin təşkilatçılığı ilə keçirilən "Narkomaniya və erkən nikahlara yox deyək!" mövzusunda olan tədbir Alar kənd 1, 2 və 3 nömrəli tam orta məktəblərin şagirdləri üçün təşkil olunub. Cəlilabad RPŞ-nin rəisi, polis polkovniki Polad Qarayev çıxışında istər narkomaniya, istərsə də erkən nikahların səbəb olduğu fəsadlar və acı nəticələrlə bağlı məktəblilərə geniş məlumat verib.
Tədbirdə, həmçinin müzakirə olunan mövzularla bağlı videoçarxlar nümayiş etdirilib, məktəblilərin sualları cavablandırılıb.
