Cəlilabadda Milli Qurtuluş Gününə həsr olunmuş tədbir keçirilib. Bu haqda məlumatı Cenublu.az bu gün, 14 iyun tarixində verir.
Tədbirdə rayon İcra Hakimiyyətinin başçısı Rafiq Cəlilov, hüquq-mühafizə orqanlarının, idarə, müəssisə və təşkilatların kollektivləri, ictimaiyyət nümayəndələri iştirak ediblər.
Heydər Əliyev Mərkəzində keçirilən təntənəli yığıncağı giriş sözü ilə açan rayon İcra Hakimiyyətinin başçısı Rafiq Cəlilov bildirib ki, 15 İyun - Milli Qurtuluş Günü xalqımızın və dövlətimizin taleyində dönüş anı, Azərbaycan tarixinə qızıl hərflərlə yazılan gündür.
Tədbirdə ulu öndər Heydər Əliyevin şərəfli və mənalı ömür yolundan bəhs edən sənədli film nümayiş olunub. Daha sonra rayon mədəniyyət mərkəzinin solistlərinin ifasında konsert proqramı baş tutub.
