Cəlilabadda fəaliyyət göstərən məşhur həkim barəsində dələduzluq maddəsi ilə cinayət işi başlanıb. Bu haqda məlumatı Cenublu.az bu gün, 3 aprel tarixində Qaynarinfo.az-a istinadən verir.
Belə ki, terapevt-dermatoveneroloq, Dr. Şükürov Vüqar Şakir oğlu çalışdığı "Nuranə” Tibb Mərkəzinə qarşı dələduzluq etdiyinə görə Cinayət Məcəlləsinin 178.2.3-cü maddəsi ilə barəsində cinayət işi açılıb.
"Nuranə” Tibb Mərkəzinin qanuni təmsilçisi, həkim Sakit Mirişov rəhbəri olduğu tibb mərkəzində uzun müddət çalışmış Vüqar Şükürov barəsində cinayət işi başlandığını təsdiqləyib.
Qeyd edək ki, Vüqar Şükürov barəsində KİV-də müxtəlif tənqidi yazılara rast gəlinir. İddia edilir ki, o, Cəlilabad şəhərində yerləşən "Nuranə” Tibb Mərkəzində elmə məlum olmayan aparat vasitəsilə insanlara diaqnoz qoymaqla camaatı yanlış müalicəyə sürükləyərək xalqı soymaqla, genofondumuza zərbə vurmaqla məşğuldur.
Həmçinin onun qardaşı Şükürov Emil Zakir oğlunun Cəlilabad Rayon Mərkəzi Xəstəxanasında saxta diplomla pediatr işlədiyi də deyilir.
