Cəlilabad rayon Ocaqlı kənd 2 nömrəli tam orta məktəbin direktoru Azər Əsgərov barəsində məhkəmə hökmü çıxarılıb.
Belə ki, müəyyən edilib ki, o, direktor vəzifəsində işlədiyi dövrdə işə gəlməyən işçilərə və tədris olunmayan dərs saatlarına görə əməkhaqqı yazdırmaqla, eləcə də digər qanunsuz yollarla ümumilikdə 26 min manat büdcə vəsaitini mənimsəyib.
Məhkəmə zamanı Azər Əsgərov ittihamı qəbul edərək özünü təqsirli bilib. Məhkəmənin hökmü ilə o, 1 il müddətinə dövlət və yerli özünüidarə orqanlarında, həmçinin kommersiya və qeyri-kommersiya təşkilatlarında rəhbər vəzifə tutmaq hüququndan məhrum edilib və 3 500 manat məbləğində cərimə olunub.
