Cəlilabadda "Uşaqların maraqlarına toxunan məsələlərdə onların iştirakının təmin edilməsi sahəsində fəaliyyətin gücləndirilməsi" mövzusunda tədbir baş tutub. Bu haqda məlumatı Cenublu.az bu gün, 26 aprel tarixində verir.
Görüş Sərhədabad kənd tam orta məktəbində keçirilib. Burada RİH başçısı aparatının Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xumarə Xəlilova, Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Günay İbadova, Lənkəran–Astara regional təhsil idarəsinin Cəlilabad rayonu üzrə təhsil sektorunun aparıcı məsləhətçisi Tacəddin Əli və Uşaq Səfirlər Məclisinin Cəlilabad rayonu üzrə seçilmiş nümayəndəsi Nuray Məmmədli iştirak ediblər.
Tədbirə, həmçinin Lənkəran–Astara regional təhsil idarəsinin Cəlilabad rayonu üzrə təhsil sektorunun və Uşaq Səfirlər Məclisinin Cəlilabad rayonu üzrə region nümayəndəsi cəlb ediliblər.
Mərasimdə “Uşaqlara dair Strategiyanın həyata keçirilməsi üzrə 2020-2025-ci illər Fəaliyyət Planı”nın icrası ilə bağlı rayon İcra Hakimiyyəti tərəfindən görülən işlər barədə, rayonda fəaliyyət göstərən məktəbdənkənar tərbiyə müəssisələri, onlarda uşaqların maraq, istəklərinə uyğun fəaliyyət göstərən dərnək və bölmələr, uşaqlara diqqətin artırılması, sağlamlıqlarının qorunması və onların istedadlarının üzə çıxarılması barədə müzakirələr aparılıb.
Rayon İcra Hakimiyyətinin təşkilatçılığı ilə keçirilən tədbir iştirakçıları maraqlandıran sualların cavablandırılması ilə yekunlaşıb.
