Kartofun qiymətinin aşağı düşməsi Cəlilabadda sahibkarlara ziyan vurub. Bu haqda bu gün, 30 may tarixində Cenublu.az Report.az-a istinadən xəbər verir.
Cəlilabad rayonunda kartofun qiyməti kəskin şəkildə ucuzlaşıb. Fermerlərin sözlərinə görə, əvvəllər qiymətlər daxili və xarici bazarlara uyğun tənzimlənsə də, son günlər məhsulun qiyməti xeyli aşağı düşüb.
Qeyd olunub ki, bir neçə həftə əvvəl 0,6-1 manata satılan kartofun indiki qiyməti 0,2-0,25 manat civarındadır.
Sahibkarlar kartofun bu qiymətə satışının məhsulun yetişdirilənədək sərf olunan xərcləri ödəmədiyini söyləyiblər. Amma onlar kartofun xarab olmaması üçün satmağa məcbur olduqlarını bildiriblər.
Qeyd edək ki, Cəlilabadda yetişdirilən kartof məhsulu daha çox Rusiya bazarlarına ixrac olunur.
