Cəlilabad rayonunun Uzuntəpə kənd sakini, 18 yaşlı Nəsib Quliyev haqqında yeni detallar məlum olub. Bu haqda məlumatı Cenublu.az bu gün, 6 may tarixində BizimMedia-ya istinadən verir.
Nəsibin rəsmi qəyyumu babası İbrahim İbrahimovun sözlərinə görə, oğlanın valideynləri ayrılıblar. Anası hazırda Türkiyədə ailə həyatı qurub. Ata isə sözügedən kənddə yaşayır.
Babasının yanında yaşayan Nəsibi sonuncu dəfə səliqəli geyimdə evdən çıxan zaman görüblər. Oğlunun vaxtaşırı ona baş çəkdiyini deyən Nəsibin atası onu sonuncu dəfə yanvar ayında gördüyünü bildirib.
Qeyd edək ki, gəncin qonşuları Nəsibin haqqında müsbət fikirlər səsləndiriblər.
Xatırladaq ki, daha öncə gəncin itkin düşməsi barədə məlumat vermişdik.
