Cəlilababad rayonunda 23 İyun-Dövlət Qulluqçularının Peşə Bayramı Günü münasibəti ilə tədbir keçirilib. Bu haqda məlumatı Cenublu.az bu gün, 24 iyun tarixində Cəlilabad Rayon İcra Hakimiyyətinə istinadən verir.
Tədbirdə rayon icra başçısı Rafiq Cəlilov, aparat əməkdaşları, hüquq-mühafizə orqanları, idarə və təşkilat rəhbərləri iştirak ediblər.
İştirakçılar ümummilli lider Heydər Əliyevin abidəsini ziyarət edərək, abidənin önünə tər gül dəstələri qoymaqla öz hörmət və ehtiramlarını ifadə ediblər.
İcra başçısı aparat əməkdaşlarını peşə bayramları münasibətilə təbrik edib, onlara işlərinin peşəkarı olmağı və öz peşələrinə daim məsuliyyətlə yanaşmalarını tövsiyə edib.
Tədbirin sonunda bir qrup dövlət qulluqçularına rayon icra hakimiyyəti başçısının Fəxri Fərmanı təqdim olunub.
