Cəlilabad şəhərində mərkəzi bazarın arxasında yerləşən qeyri-yaşayış sahəsində yığılan tullantılar uzun müddətdir təmizlənmədiyi üçün ərazidə ciddi antisanitariya problemi yaranıb.
Cenublu.az xəbər verir ki, zibillərin vaxtında daşınmaması nəticəsində məişət qalıqları ətrafa yayılıb və ərazidə xoşagəlməz görüntü formalaşdırıb.
Bildirilir ki, tullantıların böyük qismi bazar daxilindən çıxan məişət tullantılarıdır.
Sakinlər vəziyyətin getdikcə daha da ağırlaşdığını bildirərək məsələ ilə bağlı aidiyyəti qurumların təcili müdaxiləsinə ehtiyac olduğunu vurğulayırlar.
