Cəlilabadda ailə arasında dava olub.
Cenublu.az-ın məlumatına görə, hadisənin istintaqı Cəlilabad Rayon Məhkəməsində keçirilib.
Belə ki, kənd sakini Namiq (ad şərtidir) evində arvadı Gözəl (ad şərtidir) ilə ona xəyanət etməsi üstündə mübahisə edib. Mübahisə münaqişəyə çevrilib və ər avradını vəhşicəsinə döyməyə başlayıb.
Namiqə Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Namiq ona elan olunmuş ittiham üzrə özünü təqsirli bilib:
“2003-cü ildən evlilik. Son iki ilə qədər aramızda heç bir ciddi problem və münaqişə olmayıb. Amma son iki il ərzində aramızda problemlər yaranmağa başlayıb və tez-tez dalaşırıq. Gözəl ona xəyanət etdiyimdən şübhələnir. Lakin mən arvadıma xəyanət etməmişəm. Bununla belə, yoldaşım əsassız mübahisələr etməyə başladı və aramızda olan narazılıqdan xəbəri olan qayınanam ötən ilin iyul ayında Gözəli yaşadığımız evdən öz evinə apardı. Həmin dövrdə arvadım dörd gün anasının evində qaldıqdan sonra yenidən yaşadığımız evə qayıtdı. Evdən getmə halları bir neçə dəfə təkrarlandı. Hadisə günü də baldızım arvadımı evini aparmaq istəyəndə yenidən dava yarandı”.
İş üzrə zərərçəkmiş qismində ifadə verən Gözəlin sözlərinə görə, Namiqin xəyanətini görəndən sonra münasibətləri korlanıb:
“19 yanvar 2024-cü ildə, saat 22 radələrində ərimin başqa bir qadınla mobil telefonla danışığının şahidi oldum. Buna görə də aramızda mübahisə baş verdi. Ərim məni evdən qovdu. Mən təxminən 3 ay qaynımın evində qaldım. 3 aydan sonra Rusiya Federasiyasında yaşayan digər qaynım gələrək bizi barışdırdı. Hadisə günü də belə bir hal baş verdi. Namiq bu zaman məni döydü”.
Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Namiqi barəsində olan cinayət təqibinə xitam verilib. O, cinayət məsuliyyətindən azad edilib.
Fidan İlqar
