Cəlilabadda şəhid Kamran İsgəndərlinin xatirəsinə həsr edilən bulağın açılışı olub. Bu haqda bu gün, 30 iyun tarixində Cenublu.az Report-a istinadən xəbər verir.
Tədbirdə rayon rəsmiləri, şəhid valideynləri və ictimaiyyət nümayəndələri iştirak ediblər. Çıxışlarda qeyd edilib ki, şəhidlərimizin əziz xatirəsi həmişə uca tutulub və onların adlarının əbədiləşdirilməsi üçün belə xeyirxah işlərin görülməsi vacibdir.
Şəhidin atası Yaşar İsgəndərli şəhid ailələrinə göstərilən qayğıya görə dövlətimizə və tədbir iştirakçılarına minnətdarlığını bildirib.
