Cəlilabad rayon sakinləri Mahmudçala Ovçuluq Təsərrüfatının ərazisində qanunsuz balıq ovladıqları üçün saxlanılıblar. Bu haqda məlumatı Cenublu.az bu gün, 6 aprel tarixində Ekologiya və Təbii Sərvətlər Nazirliyinə istinadən verir.
Bioloji Müxtəlifliyin Qorunması Xidmətinin rəisi Firuddin Əliyev bildirib ki, araşdırma zamanı brakonyerlərin Cəlilabad rayon sakinləri Mirqoca və Tahir Kərimovlar olduğu müəyyən edilib. Onlardan istifadəsi qadağan olunmuş ov alətləri, 360 metr uzunluğunda 18 ədəd sintetik tor götürülüb.
Faktla bağlı qanun pozucuları barəsində qanunamüvafiq tədbirlər görülüb.
