Cəlilabad rayon İcra Hakimiyyətinin başçısı Rafiq Cəlilov rayonda həyata keçirilən işlərin icra vəziyyəti ilə tanış olub. Bu haqda məlumatı Cenublu.az bu gün, 14 may tarixində verir.
Rayon rəhbəri əvvəlcə 11 saylı Regional Meşə Təsərrüfatı Mərkəzinin Cəlilabad ərazisində olub, orada yetişdirilən müxtəlif cinsli ağac, kol bitki növləri və istixanaların şəraiti ilə maraqlanıb.
Daha sonra icra başçısı Heydər Əliyev və Qurtuluş prospektlərinin kəsişməsindəki dairəvi yolda aparılan yenidənqurma və Şəhidlər Parkı Abidə Kompleksində səliqə-səaman işlərinə baxış keçirib.
Görülən işlərə baxış keçirən rayon rəhbəri aidiyyəti üzrə əlaqədar şəxslərə bir sıra tapşırıq və göstərişlərini verib.
