2023-2024-cü tədris ilində VIII, IX, X və XI sinif şagirdləri arasında riyaziyyat, fizika, kimya, biologiya, informatika, Azərbaycan dili və ədəbiyyat, tarix və coğrafiya fənləri üzrə keçirilən Respublika fənn olimpiadalarında ən yaxşı nəticə göstərən kənd məktəblərinin siyahısı açıqlanıb. Bu haqda məlumatı Cenublu.az bu gün, 15 may tarixində Təhsil İnstitutuna istinadən verir.
Belə ki, siyahıda Masallı rayonunun Sığdaş kənd tam orta məktəbi və Lənkəran rayonunun Şürük kənd tam orta məktəbi yer alıb. Hər iki məktəbdən 2 şagird qalib olub.
Qeyd edək ki, siyahıda Sığdaş kənd tam orta məktəbi 7-ci, Şürük kənd tam orta məktəbi isə 8-ci olub.
