Prezident İlham Əliyev bir sıra birinci instansiya məhkəmələrinə hakimlər təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi ilə bağlı Sərəncam imzalayıb.
Sərəncama əsasən, Lənkəran Ağır Cinayətlər Məhkəməsinə Vəliyeva Ayşən Umud qızı, Cəlilabad Rayon Məhkəməsinə Vəliyev Osman Akif oğlu, Lerik Rayon Məhkəməsinə Zeynalov Yusif Səmədağa oğlu, Masallı Rayon Məhkəməsinə Abbasova Ellara Həsən qızı və Abdullayev Coşqun Şamil oğlu təyin olunublar.
Bundan əlavə, Mübariz İsfəndiyar oğlu Məmmədov Astara Rayon Məhkəməsinin hakimi vəzifəsindən azad edilərək Göygöl Rayon Məhkəməsinin hakimi təyin edilib, Qalib Hidayət oğlu Paşayev isə Cəlilabad Rayon Məhkəməsinin hakimi vəzifəsindən azad edilərək Yevlax Rayon Məhkəməsinin hakimi təyin olunub.
