Bu gün, 31 mart tarixində Azərbaycan Silahlı Qüvvələrinin baş giziri, Vətən müharibəsi şəhidi Murad Nadir oğlu Babayevin mövlud günüdür.
Murad Babayev 1982-ci ildə Cəlilabad rayonunun Sabirabad kəndində anadan olub. 2001-ci ildən Azərbaycan Silahlı Qüvvələrinin sıralarında xidmət edirdi.
Azərbaycan Ordusunun baş giziri olan Murad Babayev Vətən müharibəsi zamanı, 27 sentyabr 2020-ci ildə Füzuli döyüşləri zamanı şəhid olub. Cəlilabad rayonunun Sabirabad kəndində dəfn olunub.
Ölümündən sonra "Vətən uğrunda" və "Füzulinin azad olunmasına görə" medalları ilə təltif olunub.
