Bu gün, 1 aprel tarixində Azərbaycan Silahlı Qüvvələrinin baş çavuşu, tankçı, Vətən müharibəsi şəhidi Cavid Habil oğlu Hüseynovun mövlud günüdür.
Cavid Hüseynov 1994-cü ildə Cəlilabad rayonunun Hamarqışlaq kəndində anadan olub. 2012-ci ildə hərbi xidmətə yollanıb. Hərbi xidməti bitirdikdən sonra Cavid Hüseynov 2016-cı ildə yenidən Azərbaycan Respublikasının ordu sıralarına qayıdıb. Azərbaycan Respublikasının Silahlı Qüvvələrində baş çavuş və tank atıcısı kimi xidmətə başlayıb. Xidmət müddətində komandanlıq tərəfindən dəfələrlə fəxri fərman, medal və diplomlarla təltif olunub.
Vətən müharibəsi zamanı Füzulinin azadlığı uğrunda gedən döyüşlərdə savaşıb. Cavid Hüseynov 30 sentyabr tarixində Füzuli döyüşləri zamanı şəhid olub. Cəlilabad rayonunun Hamarqışlaq kəndində dəfn olunub.
Ölümündən sonra "Vətən uğrunda", "Füzulinin azad olunmasına görə" və "Xocavəndin azad olunmasına görə" medalı ilə təltif olunub.
