Bu gün, 14 may tarixində Azərbaycan Silahlı Qüvvələrinin əsgəri, Vətən müharibəsi şəhidi Romir Əliyevin doğum günüdür.
Romir Rəşadət oğlu Əliyev 1997-ci ildə Lənkəran rayonunun Aşağı Nüvədi kəndində anadan olub. Anası moldovan, atası azərbaycanlıdır. Orta məktəbi bitirdikdən sonra o, 2015-ci ildə hərbi xidmətə yola düşüb. 2016-cı ildə, hərbi xidmət müddətini bitirdikdən sonra mülki şəxs olaraq fəaliyyətini davam etdirib.
Vətən müharibəsinə könüllü qoşulan Romir Cəbrayılın, Füzulinin və Zəngilanın azad edilməsi uğrunda gedən döyüşlərdə savaşıb. O, 21 oktyabr 2020-ci ildə Qubadlının azad olunması uğrunda döyüş tapşırığını yerinə yetirərkən şəhid olub.
Ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları və 3-cü dərəcəli "Vətənə xidmətə görə" ordeni ilə təltif edilib.
