Bu gün, 9 may tarixində Vətən müharibəsi iştirakçısı Nahid Məmmədovun mövlud günüdür.
Nahid Hüseynağa oğlu Məmmədov 1990-cı ildə Cəlilabad rayonunun Vənlik kəndində anadan olub.
O, Vətən müharibəsi zamanı Zəngilanın azadlığı uğrunda gedən döyüşlərdə iştirak edib. “İgidliyə görə” və “Zəngilanın azad olunmasına görə” medalları ilə təltif edilib.
Vətən müharibəsi bitdikdən sonra Nahid Məmmədov “baş gizir” rütbəsi alıb və Zəngilan rayonunda yerləşən “N” saylı hərbi hissədə hərbi xidmətini davam etdirib.
2022-ci il sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan–Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat zamanı Nahid Məmmədov 13 sentyabr tarixində Zəngilan rayonu istiqamətində döyüş tapşırığını yerinə yetirərkən şəhid olub.
14 sentyabr tarixində doğulduğu Cəlilabad rayonunun Vənlik kəndində torpağa tapşırılıb.
Ölümündən sonra “Azərbaycan Bayrağı” ordeni və “Vətən uğrunda” medalı ilə təltif olunub.
