Bu gün, 1 may tarixində Masallı rayonu İcra Hakimiyyətinin başçısı Araz Əhmədovun doğum günüdür.
Araz Əhmədov 1963-cü ildə Naxçıvan Muxtar Respublikasının Ordubad rayonunun Biləv kəndində anadan olub.
Uşaq yaşlarından o, hər iki valideynini itirib və internat məktəbində təhsil alıb. Ailədə 6 bacı, 4 qardaş olublar. Daha sonra M.F.Axundov adına Azərbaycan Pedaqoji Rus Dili və Ədəbiyyatı İnstitutundan (indiki Bakı Slavyan Universiteti) məzun olub.
1991-ci ildən Milli Təhlükəsizlik orqanlarında işləməyə başlayıb. Birinci Qarabağ müharibəsi zamanı Qubadlı uğrunda döyüşlərdə iştirak edib.
1998-ci ildə ulu öndər Heydər Əliyevin imzaladığı Sərəncama əsasən, Azərbaycan dövlətçiliyinin qorunmasında, kəşfiyyat-təxribat fəaliyyətinin qarşısının alınmasında, əməliyyat-axtarış və istintaq tədbirlərinin həyata keçirilməsində öz xidməti vəzifələrini yerinə yetirərkən fərqləndiyinə görə mayor Əhmədov Araz Süleyman oğlu “Hərbi xidmətlərə görə” medalı ilə təltif edilib. Ona 2019-cu ildə general-mayor rütbəsi verilib.
Araz Əhmədov 2020-ci ildə “Vətən uğrunda” medalı ilə təltif olunub.
22 iyul 2022-ci ildə İlham Əliyevin Sərəncamı ilə Masallı rayon İcra Hakimiyyətinin başçısı təyin olunub.
Ailəlidir, 1 oğlu, 2 qızı var.
