Bu gün, 1 aprel tarixində tanınmış teatr və kino aktrisası, Lənkəran Dövlət Dram Teatrının aparıcı səhnə ustası, Azərbaycan Respublikasının Əməkdar artisti Zemfira Nəcəfovanın doğum günüdür.
Zemfira Musabala qızı Nəcəfova 1950-ci ildə Bakı şəhərində anadan olub. 1975-ci ildə M.A.Əliyev adına Azərbaycan Dövlət İncəsənət İnstitutunu bitirərək həmin ildən taleyini Lənkəran Dövlət Dram Teatrı ilə bağlayıb. Ötən müddət ərzində aktrisa səhnədə onlarla maraqlı obrazlar yaradıb. Həmçinin bir neçə bədii filmə və teleseriala çəkilib.
Aktrisa teatr sahəsində səmərəli xidmətlərinə görə 1979-cu ildə Azərbaycan Respublikası Ali Sovetinin Fəxri fərmanına, 30 dekabr 2015-ci il tarixində isə “Əməkdar artist” fəxri adına layiq görülüb.
