Bu gün, 5 iyul tarixində əslən Lənkərandan olan aktyor, Əməkdar artist Niftulla Əsgərovun doğum günüdür. Bu haqda məlumatı Cenublu.az verir.
Niftulla Fətulla oğlu Əsgərov 1959-cu ildə Lənkəran rayonunun Girdəni kəndində anadan olub. O, 1976-cı ildə Bakı Kitabxanaçılıq Texnikumunun Mədəni-maаrif şöbəsinin özfəaliyyət dram kollektivinin rəhbəri kimi fəaliyyətə başlayıb. Daha sonra Rostov şəhər Pedaqoji İnstitutunu bitirərək 1986-cı ildən Lənkəran Mədəniyyət şöbəsində Mədəniyyət Evinin direktoru vəzifəsində çalışıb. 1995-ci ildən N.B.Vəzirov adına Lənkəran Dövlət Dram Teatrında aktyor kimi çalışır. 2018-ci ildə Əməkdar artist adına layiq görülüb.
O, “My name is İntiqam”, “Bizim Əhməd haradadır?”, “My name is İntiqam 2”, “Bayram axşamı”, “Vəziyyət rusca” kimi müasir komediya filmlərində rol alıb.
