Bu gün Lənkəran Dövlət Dram Teatrının aktyoru Əlibala Əfsər oğlu Əsgərovun doğum günüdür. Onun 67 yaşı tamam olur.
Əlibaba Əsgərov 28 yanvar 1955-ci ildə anadan olub. 1975-ci ildən Lənkəran Dövlət Dram Teatrında aktyor kimi işləməyə başlayıb.1978-ci ildə Azərbaycan Dövlət Mədəniyyət və İncəsənət İnstitutunun Mədəni-maarif fakültəsinin qiyabi şöbəsinə daxil olub.
60-dan çox çox tamaşada müxtəlif xarakterli rollar oynayıb. S.Vurğun "Fərhad və Şirin" – Şiruyyə, C.Məmmədquluzadə "Ölülər" – Məşədi Oruc, H.Mirələmov "Ləyaqət" – Nihad, Y.Əzimzadə "Nəsrəddin" – Fərzəli, Hidayət "Məni qınamayın" – Vəli Qulamoviç və s.
O, həmçinin "Durnalar qayıdanda", "Qəzan mübarək, Paşam", "Susmuş vicdan", "Sevginin göz yaşı", "Əli və Nino", "Hörümçək toru" və digər bədii və televiziya filmlərində rollar yaradıb.
