Yalnız lənkəranlıların deyil, həm də bütün Azərbaycanın sevimlisi olan Rövşən Canıyevin doğum günüdür.
Rövşən Rafiq oğlu Canıyev 27 yanvar 1975-ci ildə Lənkəran şəhərində anadan olub. 1992-ci ildə, 17 yaşı olarkən, polis işçisi olan atası kriminal qruplaşmalardan birinin nümayəndələri tərəfindən qətlə yetirilib. Daha sonra 1996-cı ildə o, məhkəmə zalında ailəsini təhdid edən atasının qatilini elə ordaca güllələmişdir.
Həmin illərdə Lənkəranda prokuror köməkçisi vəzifəsini icra edən Yusif Qasımov Rafiq Canıyevlə dost olub. O, həmin günü belə xatırlayır:
"Məhkəmədə maşından düşəndə gördüm ki, 4 dəfə atəş səsi gəldi. Bildim ki, Rövşən nəsə elədi. Tez içəri qaçdım. Zala girəndə gördüm ki, içəri qanla doludur. Hakim qorxusundan stolun altına girmişdi. Rövşən atasının qatilini güllələyəndən sonra heç yerə qaçmadı. Hakimə dedi ki, mənim əlimi qandallayın, atamın qisasını aldım".
Nəinki Azərbaycanda, həmçinin Rusiyada bütün həmyerlilərinə dəstək olan Rövşən Lənkəranski daim vətəndaşlarına olan sevgisi ilə seçilmişdir.
Qeyd edək ki, Rövşənə qarşı 2 sui-qəsd olub. O, 2001-ci ildə Dubayda 3 bıçaq yarasından, 2013-cü ildə isə Turkiyədə sui-qəsd cəhdindən sağ qurtula bilib. Lakin 18 avqust 2016-cı ildə Türkiyənin İstanbul şəhərində naməlum şəxslər tərəfinfən qətlə yetirilmişdir. Rövşən Canıyev Lənkəranda Kiçik Bazar qəbiristanlığında, atasının yanında dəfn olunub.
