Qida Təhlükəsizliyi Agentliyinin əməkdaşları Biləsuvar şəhəri, M. İbrahimov küçəsi, 111 ünvanında fəaliyyət göstərən, “Ruslan” MMC-yə məxsus bazarda planlı yoxlama keçiriblər.
Agentlikdən Cenublu.az -a verilən məlumata görə, baxış zamanı bazarda etiket məlumatları olmayan turşu məhsullarının satışa çıxarıldığı, soyuducu kameraların təşkil edilmədiyi müəyyən edilib. Həmçinin obliqat qrupuna daxil olan işçilərin müvafiq xüsusi geyimlə təmin olunmadığı, gigiyenik təlimlərə cəlb edilmədiyi, eləcə də təmizlik işlərinin lazımi səviyyədə aparılmadığı aşkarlanıb. Bununla yanaşı, digər sanitar-gigiyenik və sanitar-texniki tələblərin də pozulduğu məlum olub.
Aşkar edilən nöqsanlarla əlaqədar sahibkar barəsində inzibati protokol tərtib edilib, obliqat qrupuna daxil olan işçilərin işdən kənarlaşdırılması və mənşəyi məlum olmayan qida məhsullarının satışının dayandırılması barədə qərar qəbul olunub.
