Bayram günlərində - martın 20-22-də ölkə ərazisində gözlənilən hava şəraiti açıqlanıb.
Milli Hidrometeorologiya Xidmətindən Cenublu.az -a verilən məlumata əsasən, Masallı, Yardımlı, Lerik, Lənkəran, Astara, Biləsuvar və Cəlilabad rayonlarında martın 20-də arabir yağış yağacağı gözlənilir. Ayrı-ayrı yerlərdə yağıntının intensiv olacağı, şimşək çaxacağı və dolu düşəcəyi ehtimalı var.
Martın 21–22-də isə əksər rayonlarda hava əsasən yağmursuz keçəcək. Arabir duman müşahidə olunacaq, şimal-şərq küləyi əsəcək. Havanın temperaturu gecə 8–10, gündüz 12–17, dağlıq ərazilərdə gecə 3–6, gündüz 6–8 dərəcə isti təşkil edəcək.
