Azərbaycan Dövlət Kukla Teatrı Lənkəran şəhərində olub. Bu haqda bu gün, 25 mart tarixində Cenublu.az Azərtac-a istinadən xəbər verir.
Belə ki, Lənkəran şəhər O.Mirzəyev adına qarışıq tipli Uşaq Evində olan kuklaçılar balacalara xoş anlar yaşadıblar. Əvvəlcə "Müsyö Jordan və dərviş Məstəli şah" tamaşasını nümayiş etdirən heyət bayram tədbirini əyləncəli oyunlarla davam etdirib. Novruzun əsas personajları Kosa və Keçəl Uşaq Evi sakinlərinə Kukla Teatrının bayram hədiyyələrini təqdim ediblər.
Uşaq evinin rəhbərliyi mütəmadi onların qonağı olan teatr kollektivinə təşəkkür edib, onların hər gəlişinin uşaqlar üçün əsl bayram olduğunu vurğulayıb.
Qeyd edək ki, "Heydər Əliyev İli" çərçivəsində Mədəniyyət Nazirliyinin təşkilatçılığı ilə paytaxtda fəaliyyət göstərən səkkiz aparıcı teatrın bölgələrə qastrol səfərləri davam edir.
